كيكة المكرونة مع اللحم المفروم

مين مش بيحب المكرونه

ايوه طبقنا النهارده عباره عن فطيرة مكرونه باللحمه المفرومه

هانحتاج الآتي :

كيكة المكرونة مع اللحم المفروم Get-4-2009-jlq9zhyh

طماطم مفرومه ناعم

ثوم طازج

جبنة موزاريلا مبشورة

جبنه رومي او بارميجانو مبشورة

كيكة المكرونة مع اللحم المفروم Get-4-2009-gslxd2s0

لحمه مفرومه

زيت زيتون

زبده

مكرونه اقلام زي اللي في الصوره

وطبعا ملح وفلفل

الكميات انتي اللي هاتحديدها علي اد ما تحبي

كيكة المكرونة مع اللحم المفروم Get-4-2009-srqpfeav

اول حاجه نسلق المكرونه في ماء مغلي عليه ملح وفلفل

نصفيها ونشطفها بماء جاري

وماتنسوش تحطوا شوية من زيت الزيتون في مية السلق عشان

المكرونه ما تلزقش في بعضها

كيكة المكرونة مع اللحم المفروم Get-4-2009-f6pmyf30

في طاسه مناسبه نضيف اللحم المفروم ونقلبه دقيقتين علي النار مع الثوم
المفروم

وملح وفلفل وملعقتين زيت زيتون

ونقلب لحد ما ياخد اللون البني

كيكة المكرونة مع اللحم المفروم Get-4-2009-gqm76zpb

بعد كده نضيف الطماطم ونقلب كويس ونسيبها تتسبك علي النار حوالي 20 دقيقه

لحد ما قوامها يتخن

كيكة المكرونة مع اللحم المفروم Get-4-2009-k57xa0ai

في الوقت ده نبدأ نقلب المكرونه مع الجبنه الرومي المبشوره ومللعقتين زيده
سايحه

كيكة المكرونة مع اللحم المفروم Get-4-2009-4ixdqqyc

ونرصها بالشكل ده في صينيه جوانبها ممكن تتفك

وطبعا ما ننساش ندهن الصينيه بالزبده الاول ونرش القاعده بالبقسماط

الناعم عشان تطلع بسهوله

كيكة المكرونة مع اللحم المفروم Get-4-2009-flrk4zl4

بعد ما اللحمه تتسبك نبدا نرشها علي وحدات المكرونه ونحاول نحشي

كل واحده باللحمه كويس اوي

كيكة المكرونة مع اللحم المفروم Get-4-2009-mnuhw4ya

واوعوا تسيبوا حاجه فاضيه عشان ده هايأثر علي الشكل النهائي

زي ما حصل معايا

كيكة المكرونة مع اللحم المفروم Get-4-2009-7f4ywyoz

في الاخر خالص نحط الجبنه الموزاريلا علي الوش

بعد ما نرش الجبنه علي الوش

ندخلها الفرن اللي بنكون مسخنينهم قبل كده

نسيبها حوالي 10 او 15 دقيقه لح ما الجبنه تسيح و وشها يحمر

نفك جوانب الصينيه ونقدمها ساخنه وممكن لو فيه صوص لحمه متبقي يتحط جمبها

دا شكلها من فوق

كيكة المكرونة مع اللحم المفروم Get-4-2009-a8qpzdx3

ومن الجمب

كيكة المكرونة مع اللحم المفروم Get-4-2009-msby0gog

كيكة المكرونة مع اللحم المفروم Get-4-2009-or7hy8si

ملحوظه : شوفوا الاتنين الفاضيين دول الجبنه نزلت تحت لانهم ما كانوش
محشيين كويس

عشان كده راعوا انكوا تحشوها كلها كويس

دي حته لاول واحده تعلق علي الموضوع